𑢾𑢨𑢠𑢡 𑢶𑢾𑢬𑢺 𑢹𑢩𑢼𑢡

𑢨𑣚𑣁𑣋𑣉 𑣖𑣂𑣞𑣂𑣍, 𑣔𑣉𑣚𑣁𑣋𑣉 𑣗𑣜𑣈𑣍, 𑣉𑣕𑣉𑣊𑣈 𑣅𑣁𑣗𑣃 𑣗𑣃𑣋𑣂𑣓 𑣞𑣈𑣀𑣁 𑣖𑣜𑣞𑣚 𑣙𑣉𑣜𑣁. 𑢶𑣓𑣂 𑣎𑣀 𑣌𑣈𑣓 𑣎𑣂𑣗𑣉𑣓, 𑣁𑣌𑣃𑣚 𑣗𑣌𑣃 𑣋𑣈𑣅𑣁, 𑣈𑣞𑣌𑣜 𑣞𑣃𑣖𑣑 𑣎𑣂𑣗𑣉𑣓, 𑣁𑣖𑣗𑣁𑣜𑣉𑣗 𑣋𑣈𑣅𑣁. 𑢹𑣈𑣅𑣁𑣕𑣂𑣀-𑣏𑣌𑣁𑣕𑣂𑣀 𑣖𑣈𑣓𑣄, 𑣌𑣂𑣚𑣂 𑣖𑣂𑣚𑣂 𑣇𑣛𑣃𑣄 𑣖𑣈𑣓𑣄, 𑣗𑣃𑣀𑣁𑣚 𑣕𑣓 𑣔𑣂𑣝𑣃𑣖 𑣜𑣈, 𑣙𑣃𑣔𑣁 𑣘𑣜𑣏𑣂 𑣕𑣈𑣅𑣁𑣄 𑣞𑣓𑣀 𑣖𑣈𑣓𑣄. 𑢮𑣂𑣅𑣁-𑣕𑣕𑣁𑣌𑣉 𑣌𑣎𑣂 𑣕𑣃𑣇𑣑𑣁, 𑢷𑣂𑣜𑣞𑣁 𑢶𑣃𑣓𑣑𑣁 𑣉𑣜𑣉𑣊 𑣕𑣃𑣇𑣑𑣁, 𑣉𑣚 𑣘𑣛𑣁𑣉 𑣗𑣂𑣔𑣙𑣁 𑣗𑣃𑣔𑣂 𑣈𑣕𑣉𑣓 𑣞𑣈𑣀𑣁 𑣖𑣜𑣞𑣁𑣚 𑣙𑣉𑣜𑣁. 𑢹𑣕𑣃-𑣙𑣕𑣃 𑣖𑣉𑣓𑣑𑣉 𑣌𑣉𑣜𑣈 𑣔𑣃𑣗 𑣎𑣃𑣛𑣂𑣓𑣁𑣗𑣃, 𑣗𑣂𑣋𑣅𑣁𑣓, 𑣋𑣐𑣂𑣑, 𑣘𑣂𑣒𑣂𑣌𑣁 𑣕𑣈𑣓𑣈𑣑 𑣞𑣗𑣂𑣓𑣁𑣄 𑣈𑣕𑣉𑣓𑣁𑣗𑣃. 𑢾𑣗𑣈𑣅𑣁𑣗𑣃 𑣞𑣈𑣚𑣁𑣒𑣂-𑣘𑣂𑣀𑣞𑣂𑣚 𑣈𑣕𑣉𑣓𑣁𑣗𑣃 𑢹𑣗𑣁𑣜𑣊 𑣏𑣂𑣕𑣂, 𑣙𑣅𑣖 𑣞𑣓𑣁𑣋𑣉𑣖 𑣜𑣈𑣅𑣁𑣄 𑣓𑣈𑣅𑣁𑣋𑣈 𑣈𑣝𑣃 𑣖𑣜𑣀 𑣗𑣂𑣕𑣂. 𑢹𑣙𑣖 𑣖𑣈𑣓𑣄, 𑣏𑣂𑣕𑣂 𑣖𑣈𑣓𑣄, 𑣓𑣈𑣓𑣁𑣋𑣈 𑣁𑣗𑣃𑣟𑣄 𑣇𑣓𑣃𑣜𑣃𑣖 𑣕𑣓𑣁, 𑣞𑣈𑣀𑣁 𑣖𑣜𑣞𑣚 𑣞𑣈𑣀𑣁 𑣁𑣜𑣞𑣁𑣚 𑣕𑣈 𑣓𑣃𑣗𑣄 𑣎𑣌𑣈𑣑 𑣙𑣜𑣁𑣕𑣂𑣀 𑣎𑣓𑣁. 𑢨𑣚𑣁𑣋𑣉 𑣖𑣂𑣞𑣂𑣍, 𑣔𑣉𑣚𑣁𑣋𑣉 𑣗𑣜𑣈𑣍, 𑣉𑣕𑣉𑣊𑣈 𑣅𑣁𑣗𑣃 𑣗𑣃𑣋𑣂𑣓 𑣞𑣈𑣀𑣁 𑣖𑣜𑣞𑣚 𑣙𑣉𑣜𑣁. 𑢩𑣕𑣉𑣚𑣚 : 𑢹𑣂𑣜𑣚𑣁 𑢮𑣉𑣗𑣁𑣙𑣁𑣜 𑣚𑣁𑣚 𑢷𑣊𑣌𑣂𑣜𑣁 𑢹𑣕𑣃 : 𑢵𑣂𑣛𑣉𑣘𑣉𑣑𑣁, 𑢬𑣈𑣜𑣁, 𑢾𑣂𑣊𑣗𑣃𑣂𑣆 𑢮𑣙𑣜𑣌𑣁𑣙𑣐𑣑 Written by : Jawaharlal Bankira Village : Tilapda, Kera, West Singhbhum, Jharkhand Writter of Ho Language & Literature Certificate in guidance